اممم..

اممم.. كيف!
كتير اشياء بنحب نعملها.. وكتير اشياء بنطمح لانو نعملها..
كتييير اشياء هنموت لو بس نصلها..
وكتير اشياء ما بنعملها وما بنحققها ولا حتى بنصلها...
عن الأحيان إلي بتكتب فيها 100 جملة.. بتخلي 1 وبتمحي ال99ِ..
وعن خوفك من انك ترجع تقرأ اشي كتبتو قبل..
وعن رعشتك لما تشوف حد زمان ما كلمتو.. صدفة..
وعن الأيام إلي بتمشي.. والموسيقا إلي بكل مكان.. والناس إلي حوليك..
والكلام إلي مش عارف اقولو.. ولا حتى اكتبو..
واللحظات إلي بدي وبدك ياها وما رح تيجي.. و ولا عمرها هتصير..
عن النهايات كيف بتبدا..
وعن مقدمات الأمور كيف بتكون أحياناً ياااا محلاها وبتنتهي ب يا ريت ما صار هيك..
وعن كل شي بخطر ببالي وببالك.. حوليا وحوليك..
عني وعنك.. عن اسمك.. عن اسمي.. عنا..
عن البلد والشارع والناس.. عن الزحمة.. والمخنوقين..
عن التعبانين والغلابة..
عن كل شي بدا وما خلص..
عن الاشياء إلي بتقطع القلب بس لما تسمعها..
عن كل مشوار وقصتو..
عن كل مره بتحكي فيها ما صار هيك قبل..
عن كل شي شافتو عينك..
عن كل شي عملتو بحياتك..
عن كل ضحكة ضحكتها من قلبك.. وكل ضحكة مجاملة..
عن شو ناوي تعمل.. و وين بدك تصير.. و وين وصلت..
عن كل الاشياء الي ممكن تخليك فرحان.. وزعلان..
عن كل قيمة بتزرعها بإلي حوليك.. وكل نصيحة بتديها لغيرك..
عن كل ذرة أمل جديدة.. عن كل لحظة ممكن تخليها بتجنن..
عن كل كل شي حلو.. عنك ❤