التخطي إلى المحتوى الرئيسي

المشاركات

عرض المشاركات من نوفمبر, ٢٠١٤

تِتلَكَكِش

وقف وارجع لورا.. أترك ساعتك بدرج المكتب.. إطفي جوالك وانسى كل شي..  ما تضل متخبي ورا الكيبورد بتستنى حد يجي يحكيلك مالك! إنزل ع الشارع.. إمشي بين الناس.. إلعب مع الصغار وإجري ع البحر وتاني انسى كل شي,, صرخ وفكر بصوت عالي.. عيط وبعدها اضحك ع حالك و ع يلي عملتو إطلع من مزاج الزعلان.. الغيران.. المكسور وخلي الدنيا حلوة بعيونك فكر بيلي بتحبهم، مزعلينك؟ انسى.. فكر في صحابك.. عيلتك.. مدرستك.. طفولتك، كل حاجة هبلة كنت تعملها! فكر بمستقبلك.. بشو رح تكون.. بوين كنت.. بوين أنت! لو بحبك كان هيقلك إرجع! كان هيحكيلك بدي أشوفك! كنت هتلاقيه قدامك.. قبل ما تفكر بإنك حابب تشوفو! كان هيصحيك من النوم حتى يحاكيك.. هيبقى ملزق فيك طول الوقت ويغلس عليك.. ما كان هيتركك.. ما رح يسألك حابب أروح؟! إلا لو كان حاسس جد إنك مش حابب يكون جنبك.. ما كان هيقارنك مع حد.. كان بدو ياك أحسن واحد بالدنيا.. لأنو كان هيشوفك هيك...... هااادا لو بحبك :D سيبك منو مش موضوعنا! إرجع لضحكتك.. لأفكارك فرغ طاقتك وطلع كل يلي جواك..  إرجع لمكتبك.. افتح درجك.. البس ساعتك وشغل جوالك وأنا متأكد إنك هتلاقي كبشة رسائل ومكالما

عشان!

عمرك حسيت بإنك موجود ومش موجود؟ قادر تحس بكل شي حوليك بس مش عارف توصلو؟! أو بالأصح مش قادر!! كل يوم بتخطط لليوم إلي بعدو وولا مرة صار زي ما أنت مخطط! أحياناً كان إلي بصير أحسن من يلي كنت تتوقعو وأحياناً كان أسوء! بس ولا مرة يئِست وبقيت تخطط كل يوم للي جاي وللي بعدو! دائماً الإنسان بحس إنو في بجسمو شي بتحكم فيه.. بخليه يصحا بدري، ينام بدري، ياكل بمواعيد، يقابل ناس معينين، يحكي اشي معين، ويكون بأماكن.. بأوقات.. وبظروف معينة لسبب معين.. بس ليش؟! في وقت من الأوقات ممكن تحس بإنو في شي بدو ينفجر جواك! في شي ناقص.. في شي مش حاسس فيه! هتحس بإنو العالم وقف والساعة مش موجودة والزمن إختفى.. بس الوجع هو يلي موجود! الناس يلي كانوا من حوليك راحوا.. صاحبك مش موجودين.. ويلي بتحبهم تخلوا عنك في أول لحظة حسوا فيها إنهم بخطر! بس مش مهم :D إوعك تحسس حد بإنك مش قادر.. تعبان.. أو حتى مكسور! إوقف من جديد وبين للعالم كلو إنك قادر وإنك موجود.. وإنو عندك يلي مش عند حد ما تيأس وما تفكر بحكي محبط.. ما تحكي كنت بحب فلانة أو فلان وتركوني.. أنا انتهيت! كل يوم بنتهي.. بنتهي حتى يبدا اليوم يلي بعدو.. وهم را