التخطي إلى المحتوى الرئيسي

عشان!

عمرك حسيت بإنك موجود ومش موجود؟ قادر تحس بكل شي حوليك بس مش عارف توصلو؟! أو بالأصح مش قادر!!
كل يوم بتخطط لليوم إلي بعدو وولا مرة صار زي ما أنت مخطط! أحياناً كان إلي بصير أحسن من يلي كنت تتوقعو وأحياناً كان أسوء! بس ولا مرة يئِست وبقيت تخطط كل يوم للي جاي وللي بعدو!
دائماً الإنسان بحس إنو في بجسمو شي بتحكم فيه.. بخليه يصحا بدري، ينام بدري، ياكل بمواعيد، يقابل ناس معينين، يحكي اشي معين، ويكون بأماكن.. بأوقات.. وبظروف معينة لسبب معين.. بس ليش؟!
في وقت من الأوقات ممكن تحس بإنو في شي بدو ينفجر جواك! في شي ناقص.. في شي مش حاسس فيه!
هتحس بإنو العالم وقف والساعة مش موجودة والزمن إختفى.. بس الوجع هو يلي موجود!
الناس يلي كانوا من حوليك راحوا.. صاحبك مش موجودين..
ويلي بتحبهم تخلوا عنك في أول لحظة حسوا فيها إنهم بخطر! بس مش مهم :D
إوعك تحسس حد بإنك مش قادر.. تعبان.. أو حتى مكسور!
إوقف من جديد وبين للعالم كلو إنك قادر وإنك موجود.. وإنو عندك يلي مش عند حد
ما تيأس وما تفكر بحكي محبط.. ما تحكي كنت بحب فلانة أو فلان وتركوني.. أنا انتهيت!
كل يوم بنتهي.. بنتهي حتى يبدا اليوم يلي بعدو.. وهم راحوا حتى يتركوا مساحة من اهتمامك لناس تانيين هم أحق فيك منهم
كون دائماً متأكد من إنك عبقري.. معجزة.. أسطورة ما رح يكون في زيها بيوم من الأيام
أترك بصمتك في قلب كل واحد بقابلك ولو لمرة.. أضحك بوجه الكل وخلي الناس كلها تعرف إنك مبسوط.. إنك فرحان.. إنو ما في زيك!
إعمل كل يلي بخطر ع بالك.. كل يلي بتفكر فيه.. وكل يلي انت موجود عشانو
تزكر إنو هيجي اليوم يلي هتحس فيه بإنك وحيد من جديد.. وبرضو إنك هتصير أحسن وإنك تاني هتبدا من جديد.. هتنولد من جديد!
أكتب كل شي بيخطر ع بالك.. خبيه بدرجك.. تحت مخدتك.. ولا أقلك أنشروا بأي مكان..أبعتو برسالة لصاحب.. حتى لو أنت مش عارف مين هيقراه.. ويمكن ما حدا يشوفوا وولا حد يعرف إنك كتبت.. ويمكن العالم كلو يقرأ السطرين تعونك..
لكن تزكر إنك دايماً موجود.. في روحك.. في قلوبهم.. في بالهم.. ومع ربك :)
التسميات:

المشاركات الشائعة من هذه المدونة

جُرِدت!

جُرِدت ملامِحنا.. وأُطلِق أولُ عيارٍ في تاريخِ الثورةِ... ذهب ذلك الصمتُ.. غابت تلك الذليلة.. وكسر ما تبقى من بؤس تلاشينا وتلاشا ما تبقى.. انتهت العبارات بجل وأعظم كلمات الشكر.. وكأن ابنهم لم يغتصب فتاتتنا وكأن أباهم لم يعنف أبنائنا.. فقط انتهت! تناسينا أو ربما حقاً قد نسينا حقنا بالوجود.. في اكتساب كرامتنا في استرداد حقنا.. وتهاوننا بما تبقى نسينا موقع كلمة 'مسئول' من المشتقات.. ووهبناها عظمةَ الفاعلِ ورهبته.. تركنا ورائنا من تسلط.. من سرق.. من نهب ومن استغنى، وحاربنا ذلك العشريني.. فحقاً! لم سنقف خلف شابٍ رفضَ الخضوع لمستوطنٍ.. لغازي!! لِمَ نكتُب؟ لِمَ أكتُب؟ ولِما كتبت؟ ربما لأنني لستُ بقادرٍ على تغيير شيء.. على أن أحاربَ.. أن أدافعَ أو حتى أن أكون.. ربما الآن لا أملك سوى الكلمات. من أين أبدء قصتي؟ ومن أين أنهيها! في الواقع أنا لا أعلم.. لا أعلم ولم أعلم في حياتي قط كيف تكونُ النهايات.. البدايات.. كيف تكون الأمور وكيف تَمْثُلُ الأحداث. نسخر من العربيةِ ونُحَقِرُ ذويها ونُمجِدَ من خالف ذلك! كيف لعربيٍ أن يجهر بأن العربية والعرب هم أحقر الأمم!؟ كيف ...
قراءة المزيد

كلانا غرباء

في كل سابقةٍ كتبت، لم تتجاوز أنظاري رسم الكلمات لا أذكر أني راجعت نصاً، غيرت حرفاً، أو حتى في من كتبت أصلاً في كل لحظةٍ بدأت فيها كتابةً، اجتمعت الدوافع، دائماً ما كان هنالك منغصٌ لتلك اللحظة ما جعلني أنثر غضبي.. حبري.. أو ما كان يجول من أفكار لم أكتب كي أُظهر جودة عربيتي، ف ببساطة أنا فاشلٌ، لا أحسن العربية لم أكتب ليرى الناس، فلا أظن أن أحداً غيرك يقرأ فلو كنت تقرأ، لو كنت هنا اسمح لي أن أتحدث عني، وعنك عن ماضينا.. حكاياتنا، عن آبائنا، عن أي شيء انظر لنفسك، ولِمَ أنت فيه وعليه تمارس رغباتك؟ حياتك؟ هل أنت حيثما تريد؟ راضٍ عما تريد؟ أو حتى أصلاً، تعلم ما تريد؟! في مجتمعنا.. ذكر؟ أنثى؟ لا يهم.. كلانا بطالة :D هنالك اطارٌ لكل شيء، حجمٌ لفكري ولفكرك معايير نسجتها الأهواء واسندت إلى الدين وشماعة الاحتلال،، كم بلد عربي لا يملك الاحتلال؟ كم بلد عربي لم يستطع أن يسير خطوة واحدة في مسيرة التنمية؟ فساد. بمناسبة الموضوع، فأنا لا أعلم كيف غابت عن أذهانهم منحنا نوبل في أغبى دولة أُحتُلت.. ندفع ثمن الاحتلال دماً وكاش! أملي لو أني استطيع أن أفخر بنظام تعليمي أو صحي أو بلدي أو حا...
قراءة المزيد

اممم..

اممم.. كيف! كتير اشياء بنحب نعملها.. وكتير اشياء بنطمح لانو نعملها.. كتييير اشياء هنموت لو بس نصلها.. وكتير اشياء ما بنعملها وما بنحققها ولا حتى بنصلها... عن الأحيان إلي بتكتب فيها 100 جملة.. بتخلي 1 وبتمحي ال99ِ.. وعن خوفك من انك ترجع تقرأ اشي كتبتو قبل.. وعن رعشتك لما تشوف حد زمان ما كلمتو.. صدفة.. وعن الأيام إلي بتمشي.. والموسيقا إلي بكل مكان.. والناس إلي حوليك.. والكلام إلي مش عارف اقولو.. ولا حتى اكتبو.. واللحظات إلي بدي وبدك ياها وما رح تيجي.. و ولا عمرها هتصير.. عن النهايات كيف بتبدا.. وعن مقدمات الأمور كيف بتكون أحياناً ياااا محلاها وبتنتهي ب يا ريت ما صار هيك.. وعن كل شي بخطر ببالي وببالك.. حوليا وحوليك.. عني وعنك.. عن اسمك.. عن اسمي.. عنا.. عن البلد والشارع والناس.. عن الزحمة.. والمخنوقين.. عن التعبانين والغلابة.. عن كل شي بدا وما خلص.. عن الاشياء إلي بتقطع القلب بس لما تسمعها.. عن كل مشوار وقصتو.. عن كل مره بتحكي فيها ما صار هيك قبل.. عن كل شي شافتو عينك.. عن كل شي عملتو بحياتك.. عن كل ضحكة ضحكتها من قلبك.. وكل ضحكة مجاملة.. عن شو ناوي تعمل.. و وين بد...
قراءة المزيد